BO NADAL E RECOMENDACIÓNS LECTORAS

 Dende a nosa Biblioteca queremos desexarvos un Bo Nadal e o mellor para o ano que comenza.

Moitas lecturas interesantes e tamén moitas ganas de aprender e desfrutar!

Aquí vos deixamos as nosas...

RECOMENDACIÓNS LECTORAS

VISITAS GUIADAS

 Neste 1º trimestre estivemos a facer varias visitas guiadas á nosa biblioteca, con información e xogos para buscar libros. Aquí tedes algunhas imaxes.

LABORATORIO ITINERANTE DAS CIENCIAS. A AUGA

 

Durante esta semana, a biblioteca converteuse nun laboratorio para desfrutar de experiencias marabillosas e divertidas, recordando coñecementos e aprendendo outros novos.

Aquí tedes algunhas imaxes.

Parte 1

Parte 2

3 de decembro: Día Internacional das persoas con diversas capacidades

 

ABRAZA, CHOCA, BAILA

As nenas  e nenos de 4 anos de E. infantil iniciaron un traballo de expresión con recursos da biblioteca que nos leva a reflexionar sobre as diversas capacidades das persoas.

HORA DE LER... XORNAIS

 A "Hora de ler" é un bo momento para desfrutar de todo tipo de lecturas.

Aquí están de novo, alumnos e alumnas de 3º co xornal.

25 de novembro: DÍA MUNDIAL DA ELIMINACIÓN DA VIOLENCIA CONTRA A MULLER

 

O CEIP das Fontiñas conmemora o 25 N, Día contra a violencia de xénero, con diversass actividades:

O pasado día 23, no recibidor da escola, unha representación teatral para todo primaria por cortesía da ANPA do colexio.

Hoxe, día 25, asistimos á representación e exposición de dúas cancións, en versión na lingua galega, que lle gustan moito a toda a comunidade educativa e especialmente aos nenos e nenas.

Estas cancións son "A porta violeta" (representada en pictogramas) e "Déixaa que baile", coa letra representada en debuxos, para que todas e todos poidamos desfrutar delas.

O MAPA DO TESOURO!

 O alumnado de 3º aprendeu a interpretar mapas, e así nolo demostra cun xogo no que debe buscar un tesouro no patio da escola.

O VÍDEO DO MAGOSTO

 As castañas non faltaron na nosa escola. Feitas ao lume !

Aquí tedes un pequeno vídeo do noso magosto.

X EDICIÓN DO CONCURSO DE RELATOS CURTOS DE TERROR

Invitámosvos a participar na décima edición do Concurso de Relatos Curtos de Terror, organizado pola Biblioteca do colexio en coordinación co equipo de Normalización e Dinamización Lingüística.

Bases do concurso:

Primeira. As obras consistirán en contos, historias ou relatos curtos acompañados, se queredes, dunha ilustración. Todas as obras presentadas deberán ser orixinais e inéditas, escritas en galego, con temática sobre  terror, medo ou temas que causen asombro. Valorarase que inclúan referencias ao Proxecto Documental deste ano no noso colexio, que tratará sobre o cine.

Segunda. Os traballos serán individuais exclusivamente.

Terceira. Os relatos participantes optarán a un premio ou diploma.

Cuarta. As obras no poderán exceder de dúas carillas de folio de extensión.

Quinta. A data límite para a recepción das obras será o 19 de novembro de 2021.

Sexta. Os participantes permitirán á organización publicar as súas obras no blog, revistas e outras publicacións relacionadas co centro escolar.jor

Sétima. Un xurado escollido polo equipo de biblioteca do colexio seleccionará as obras gañadoras.

Oitava. Cómpre que xunto coas obras se proporcione a seguinte información:

Titulo do relato: ...................

Autor/a: .......................

Curso e grupo: .....................

Novena. As obras a concurso deberán entregarse ás/os titoras/es, que llas farán chegar ao equipo de biblioteca.

Décima. A participación no concurso supón a aceptación total das bases.

Que pasedes MOITO MEDO!  

OUTUBRO: MES DAS BIBLIOTECAS

 Durante este mes de outubro realizaremos varias actividades na biblioteca para sinalar a importancia das mesmas. Mesmo Mafalda o sabe!

18 de Outubro: DÍA DAS ESCRITORAS

     O 18 de outubro deste ano celebramos o Día das escritoras. Cada ano, o luns máis próximo ao día 15, celebramos este día para visualizar as obras das mulleres na literatura e recuperar o seu legado na historia.

ALUMNADO VOLUNTARIO

 Xa están traballando as nenas e nenos de 6º que realizan labores de voluntariado na nosa biblioteca. Son 5 pequenos grupos que axudan a organizar os recursos ao tempo que aprenden as tarefas e funcións dentro da biblioteca.

COMENZA O CURSO 2021/22

 Xa estamos nun novo curso e a nosa biblioteca comenza a funcionar. Aquí vos agardamos!

A MELLOR DESPEDIDA

 Que mellor despedida que recordar a Rosalía. As nenas e nenos de 3º B ilustraron e puxeron voz a un dos seus poemas máis loados.

DESPEDIDA DE CURSO

 Xa nos últimos días do curso, aquí tedes as imaxes  da nosa biblioteca.

Un saúdo a todas e todos e...ata o próximo!

PREMIO NO CONCURSO DE MICRORRELATOS DA RAG E PUNTOGAL

 

As historias gañadoras do IV Concurso de microrrelatos da Real Academia Galega e PuntoGal xa poden lerse no volume dixital dispoñible na sección de publicacións de academia.gal e en relatos.gal.

Os contos foron elixidos entre preto de 1600.

Na nosa escola estamos de noraboa grazas á nosa alumna Carmen Mendaña, que levou un maravilloso premio. 

Moitos parabéns a esta prometedora escritora!!!!

(Non esquenzades ler o relato de Carmen descargándoo na ligazón sinalada arriba nesta entrada)

 

MOCHILAS E BOLSAS DE PRÉSTAMO

 

Durante este curso tamén visitaron as casas das nenas e nenos as mochilas cargadiñas de recursos e as bolsas de préstamo. Sempre tendo en conta as normas do protocolo sanitario de gardar corentena entre visita e visita, por suposto!

PROXECTOS BASADOS EN LIBROS

 Ademáis do proxecto da entrada anterior, baseado no libro "León de Biblioteca", no noso colexio  traballamos todo o ano con recursos bibliográficos moi interesantes. Aquí tedes algúns exemplos de proxectos realizados a partir de libros.

TEATRO: LEÓN DE BIBLIOTECA

 Durante a nosa quincena cultural as nenas e nenos de 6º C gravaron e montaron un vídeo dunha obra de teatro que ensaiaron e puxeron en práctica baseada  no conto "León de biblioteca" de M. Knudsen, logo de ser adaptada pola súa profesora Olga.

Desfrutade desta preciosa posta en escena!

FAMILIAS COLABORADORAS

 Ao longo do curso as nosas familias participaron nas distintas propostas que desde os diferentes equipos da escola se lles foron propoñendo. 

Aquí podedes ver un exemplo. Desde o Equipo de EDLG  animouse ás familias a enviar fotografías do noso outono,  que formaron este precioso vídeo:

RECORDANDO A XELA ARIAS

 

Proxectamos vídeos sobre a poeta das nosas letras

O 17 de maio é o día das Nosas Letras. Dentro das actividades da semana cultural tamén recordamos á figura da homenaxeada deste ano, Xela Arias.

FIXEMOS UN MAIO

 Todas e todos colaboramos neste precioso Maio, elaborado dentro da nosa semana cultural. O alumnado de E. Infantil colgou os seus "minimaios" no patio interior.

A GALIÑA AZUL (A NOSA PITA POLEIRA)

Dentro da semana cultural, coincidindo con datas próximas ao 17 de maio, a nosa galiña sae do seu niño e colócase no recibidor da escola para que nenos e nenas lle pinten os ovos cunha palabra fermosa en galego. A ver cal gaña este ano!

QUINCENA CULTURAL

 Durante estas dúas semanas estamos a realizar na nosa escola unha serie de actividades, xunto co Departamento de Normalización e Dinamización Lingüística, dos que iremos amosando imaxes nos próximos días: Uns maios, unha galiña azul cheíña de ovos, unha gran poeta das nosas letras...

Aquí tedes os traballos das nosas nenas e nenos.

CHARLAS MEDIOAMBIENTAIS NA BIBLIOTECA

O programa "Para unha Transición Ecolóxica" desenvolvido  co apoio da Deputación da Coruña pretende acercar á escola os parques naturais e as reservas da biosfera da nosa provincia. 

O alumnado de 6º recibiu charlas na biblioteca para preparar as visitas aos dous parques naturais protexidos: O Parque Natural Fragas do Eume e o Parque Natural Comprexo Dunar de Corrubedo e Lagoas de Carregal e Vixán.

PROXECTOS

 Aquí temos exemplos de proxectos desenvolvidos nas aulas de E. Infantil tendo como centro recursos bibliográficos: Nadarín ou O monstro de cores.

23 de Abril: Día Mundial do Libro

 Na nosa escola sumámonos á celebración mundial desta data, realizando traballos sobre libros e expoñendo a nosa interpretación dos mesmos. 

Pensemos nos nosos libros favoritos e deixemos voar a imaxinación!

Feliz día!

27 de marzo: Día Mundial do Teatro

 

Cunha selección de obras  invitamos a toda a comunidade educativa a ler teatro, neste día e sempre.

21 de marzo: Día mundial da poesía

 

Hoxe, domingo 21 de marzo, celebramos o DÍA DA POESÍA. Na nosa escola xa levamos uns días lendo e traballando con poesías.

Alumnado de 6º na biblioteca

O alumnado de 6º de Primaria asistiu na biblioteca neste mes de marzo a unha conferencia, vía telemática, sobre arqueoloxía.

A arqueóloga Andrea Mouriño, do Campus Universitario de Vigo, centrou a charla sobre o mundo funerario, o arte e asentamento en Santiago de Compostela, cunha presentación titulada "A Prehistoria Picheleira", continuación da realizada co mesmo alumnado o curso pasado de xeito presencial.

 

8 de marzo: DÍA MUNDIAL DAS MULLERES

Para conmemorar tan importante data no noso colexio estanse a realizar distintas actividades. Aquí veremos algunhas delas.

Na nosa cesta de libros están seleccionados moitos que nos servirán para aprender cousas interesantes sobre mulleres que fixeron historia e que moitas veces non foron recoñecidas. Tamén podemos desfrutar coas lecturas de ficción que teñen a mulleres e nenas como protagonistas.

Concurso: MULLERES QUE FAN HISTORIA

Como todos os anos, o noso concurso de investigación sobre mulleres destacadas na historia está xa en marcha. Aquí tedes as bases para participar:

Os días 5 e 8 de marzo aparecerán no taboleiro da biblioteca unha imaxe e unha pista sobre dúas mulleres (unha cada día).

Poderedes investigar de quen se trata e escribilo nunha ficha que vos facilitará a/o vosa mestra/e.

Logo, entregarédeslla á/o mestra/e cos nomesdas mulleres.

Todo o alumnado que entregue a ficha participará nun sorteo de agasallos.

Este ano propoñemos dúas mulleres. A primeira delas unha científica á que non lle foron recoñecidos os seus descubrementos ata moito tempo despois de morrer. A segunda, unha muller do campo sanitario que tamén viviu nunha época na que as mulleres non formaban parte dun mundo reservado só a homes.

Nenos e nenas! Buscade a partir das pistas que imos dando! 

Pista1: Descubrín o abrigo do Planeta Terra con experimentos feitos en 1856.

Pista 2: Fun a primeira enfermeira en misión internacional.

Participantes: 95 , que participarán nun sorteo de premios.

24 de febreiro: DÍA DE ROSALÍA

 Hoxe recordamos en toda Galiza á nosa dama das letras, Rosalía de Castro. A mesma Rosalía agardábanos esta mañá na porta do colexio para agasallar cun poema aos pais e nais do alumnado. Moitas grazas, Rosalía!

Desde a biblioteca do colexio rendémoslle homenaxe con varias actividades:

lectura de poemas, collages e mesmo  vídeos. A continuación veredes os dos nenos e nenas de E. Infantil.

 

E outros que recollen  alumnado e profesorado do centro recitando en varias linguas sentidos poemas da autora.

11 de febreiro: DÍA INTERNACIONAL DA MULLER E A NENA NA CIENCIA e celebración do ENTROIDO 2021

O xoves, 11 de febreiro celebraremos o Día da Muller e a Nena na Ciencia.

Podedes consultar a nosa bibliografía que está seleccionada na biblioteca.

O ENTROIDO no colexio foi celebrado de xeito especial, este curso con medidas COVID-19. Empregámonos moi a fondo para  confeccionar disfraces relacionados co Entroido popular galego. Mesmo buscamos no fondo do armario para vestirnos de choqueiros ou entroidos (aquí podedes ver un pequeno vídeo con alumnado de 6º)

COLABORADORAS E COLABORADORES

 Como todos os anos, un grupo de alumnos e alumnas de 6º de Primaria acuden á nosa biblioteca para axudar e aprender. Podedes velos aquí en "acción".