27 de MARZO: DÍA MUNDIAL DO TEATRO

Nesta data tan significativa visitounos Teresa González Costa, autora de A noite das bicicletas. O alumnado de 6º de Primaria desfrutou da súa compañía na biblioteca do centro.

ENCONTROS DE BIBLIOTECAS ESCOLARES DE GALICIA

O venres 22 de marzo tiveron lugar os Encontros  de bibliotecas escolares 2018/19 incluidas no plan de mellora de Bibliotecas.

21 de marzo: DÍA DA POESÍA

Como ben sabedes, o 21 de marzo celebrouse o Día da Poesía. 

Na nosa biblioteca escollemos varias obras para que vos acerquedes ao mundo da poesía e expoñemos poemas de poetas significativos para vós.

Na semana cultural de maio seguiremos achegándonos a este mundo con máis actividades.

ROSALÍA MORLÁN NA BIBLIOTECA

Esta semana visitounos a poeta compostelá Rosalía Morlán, que contou ao alumnado de 4º moitas cousas da súa vida e de como escribe e conecta coas lectoras e lectores. Tamén os invitou a participar nunha actividade teatral moi creativa.

Moitas grazas Rosalía!

8 de marzo: DÍA DA MULLER

Para conmemorar estas datas de novo convocamos o Concurso "MULLERES QUE FAN HISTORIA".

As bases están xa na biblioteca. Podedes consultalas cando queirades e animarvos a participar. 

Este ano, o tema arredor do que xira o concurso é O noso Patrimonio, como xa sabedes. Así, irán aparecendo as fotografías das mulleres seleccionadas acompañadas dunha pista que facilita que averigüedes os seus nomes. Este curso serán tres as mulleres elixidas e debedes escribir os seus nomes na ficha que se vos entregará se queredes participar.

Todas e todos entraredes nun sorteo para recibir un agasallo.

Aquí tedes a imaxe da primeira pista e a nosa pequena exposición de libros sobre Mulleres que fan Historia.

Se queredes lembrar as pistas entrade no blogue do noso Proxecto documental deste curso: 

https://onosopatrimoniocultural.blogspot.com/ 

ou premede na imaxe anterior e poderedes acceder a elas.

VIVA O ENTROIDO!

Aquí tedes parte da selección de libros da biblioteca para ler sobre o noso Entroido.

Tamén podedes ver o noso Meco que se despediu de todas e todos coas coplas do seu Testamento.

Representa, como ben sabedes, a un peregrino que para durante a semana previa ao Entroido para dar "mandados" a nenas e nenos que lle queiran facer caso. Na última sesión despídese para dar a benvida ás marabillosas datas do Entroido.

(Se queredes ver as fotos premede no Meco).