CONCURSO: MULLERES QUE FAN HISTORIA

Como en anos anteriores, iniciamos na data de hoxe, 8 de marzo, o concurso de pistas para descubrir cal é o nome de certas mulleres que están no máis alto grazas á súa valía e esforzo, moitas veces nun mundo tradicionalmente copado polos homes.

Este ano non é unha excepción. As mulleres seleccionadas polo equipo de Biblioteca destacan ou destacaron no campo da ilustración e a banda deseñada, tema do Proxecto documental deste curso para toda a escola. Unha ilustradora consolidada (recentemente  falecida) e recordada por xeneracións anteriores, e outra actual e galega que está no cume do seu campo artístico.

Alumnas e alumnos de 1º de EP consultando a pista coa súa mestra.

As pistas estarán expostas na entrada da Biblioteca para que as poidades ler e investigar de que mulleres se trata. Todos os/as participantes entrarán nun sorteo que se celebrará nos días seguintes a rematar o prazo de entrega das fichas cos nomes das dúas artistas.

8 de marzo: DÍA INTERNACIONAL DA MULLER

Unha data importante para celebrar, que conmemora cada 8 de marzo como unha xornada para reivindicar a igualdade e facer balance sobre a situación das mulleres na sociedade. É unha data recoñecida pola ONU.

Na nosa escola a comunidade educativa levou a caabo unha serie de actividades para tal fin. Aquí tedes algunha:

O alumnado de 4ª de Primaria leu na Biblioteca, ao alumnado de 1º e 2º,  o marabilloso conto "Artur e Clementina", de Adela Turin, que reivindica o papel da muller na sociedade.

No corredor do colexio podedes atopar unha boa cantidade de libros relacionados coa importante data.

COLABORADORAS E COLABORADORES

 

As nenas e nenos de 5º e 6º que colaboran como voluntarios/as na biblioteca fan un estupendo traballo ao mesmo tempo que aprenden sobre xestión e organización do servizo. 

QUE DIRÍA ROSALÍA?

 

Nenas e nenos da nosa escola están a preparar traballos sobre a guerra de Ucraína dende unha visión moi persoal,  poñéndose na pel de Rosalía de Castro, como se ela mesma vivira no presente. Con este título, Que diría Rosalía, están a saír dos lapis dos creadores e creadoras, maravillosos escritos para condear a guerra. Ditos traballos iranse expoñendo e publicando.

Esta actividade foi proposta polo Departamento de Dinamización Lingüística da escola coa colaboración da Biblioteca.

Achegádevos a ler as creacións das nenas e nenos baseadas nos poemas de Rosalía de Castro para apoiar ás víctimas dos pobos en guerra.

23 de febreiro: DÍA DE ROSALÍA

 

Esta data é unha data para recordar á dona das nosas letras porque un 23 de febreiro de 1837 nacía en Padrón a escritora. No noso colexio lemos e escribimos poemas de Rosalía para non esquencela nunca.

VIVA O ANTROIDO!

Cun espectacular desfile polo barrio, a comunidade educativa do noso colexio celebra o seu particular Entroido, adicado este curso á banda deseñada, tema do noso proxecto documental.

Disfraces de cómic clásico como Superman, Astérix, Os Pitufos... mesturáronse con outros máis cercanos no tempo como Narval ou os Bolechas.

Festa rachada!

O noso meco cos seus superpoderes 

11 de FEBREIRO: DÍA DA MULLER E A NENA NA CIENCIA

Con motivo desta data celebráronse na Biblioteca do Centro dúas actividades  e obradoiros:

•  Una delas para as nenas e nenos de 4º de Primaria, a cargo de mulleres de Ciencia da nosa terra: "Unha enxeñeira ou científica en cada cole". Todo organizado pola USC e o Concello de Santiago para dar visibilidade ás mulleres nos distintos campos científicos.

A continuación podedes ver o cartel anunciador da actividade así como un pequeno vídeo do alumnado de 4º de primaria que asistiu ao obradoiro: (Premede no título para ter máis información sobre a interesante actividade).

UNHA ENXEÑEIRA OU CIENTÍFICA EN CADA COLE

• O outro obradoiro para alumnado de 5º e 6º de Primaria, sobre os minerais, tamén a cargo de científicos e científicas da USC, que recordaron previamente a importancia das mulleres nos campos científicos: (Premede na imaxe seguinte para ter máis información no blog da RIAIDT (Área De Infraestructuras De Investigación Da USC) e veredes que interesantes actividades propoñen):