IMAXES PARA O FIN DE CURSO

 

CONCERTO DO ALUMNADO DE 4º DE PRIMARIA: ALELUIA!!

 

Nenas e nenos de 4º interpretando a preciosa canción de Leonard Cohen.

VISITA DO CORO DO INSTITUTO

 Marabillosa a visita do alumnado de canto do Instituto. Todos e todas cantamos e ate bailamos ao ritmo dunha selección de pezas interpretadas por estes mozos e mozas, algúns exalumnos e exalumnas.

Un gran aplauso!!!

PRESENTACIÓN DO ALUMNADO DE 3º SOBRE MULLERES GALEGAS

Nenas e nenos de 3º de Primaria presentando os seus traballos sobre mullleres galegas na biblioteca.
 

TEATRO NA BIBLIOTECA

As neans e nenos de 4º, na biblioteca da escola interpretando a obra de teatro.

 

REGALOS EN 4º

 As nenas e nenos de 4º recibiron da súa mestra un regalo para non esquencer. Unha bolsa de tela para meter os libros cando vaian neste verán á praia, ao río, ao parque, ao campo...

Fantástica idea!

O NOSO XARDÍN

 O xardín da biblioteca estreou mobiliario este curso. Aquí tedes algunhas imaxes.

VISITAS A OUTRAS BIBLIOTECAS

 As visitas fóra da escola a outras bibliotecas está frecuentemente no noso programa. Así, este curso as nenas e nenos de E. Infantil visitaron a biblioteca de Anxel Casal e a Ludoteca do noso barrio. 

PROXECTO CREATIVO INSPIRADO NAS OBRAS DE HERVÉ TULLET

A biblioteca da nosa escola contribúe todos os cursos á realización de proxectos educativos que abranguen todas as áreas do currículo.

En E. infantil desenvolveron unn proxecto en torno ás obras de Hervé Tullet.

Aquí podedes ver un pequeno vídeo.

E no noso RECUNCHO CREATIVO ten un lugar:

PAXARIÑOS

A nosa biblioteca tamén da de comer. 

Grazas Cali!  (De parte dos paxaros)

 

CONTACONTOS POLA IGUALDADE

 Esta mañá, Vero Rilo deleitou á rapazada de E. Infantil e 1º e 2º de E. Primaria cos seus contos.

MERCATROCO

 Como en anos anteriores as nenas e nenos cambiaron os libros que xa non usan nas súas casas por "fontiños" (billetes) e deste xeito poideron intercambiar por outros libros.

Esta actividade, organizada polo noso equipo de Dinamización Lingüística e a Biblioteca, foi desenvolvida no día de hoxe dentro do programa de actividades en torno á data das Letras Galegas.

DEPORTE TAMÉN NA BIBLIOTECA

 Dous xogadores do equipo de baloncesto Obradoiro pasaron pola escola e falaron coas nenas e nenos na biblioteca, mesmo asinaron autógrafos.

O ACIBRO DO XARDÍN DA BIBLIOTECA

 Estamos a acondicionar mellor o xardín interno da biblioteca para aproveitalo o mellor posible. Cando estea rematado veredes o bonito que é.

De momento, quedádevos con esta marabillosaa imaxe do noso acibro. Está cheíño de froitos verdes, que se poñerán vermellos. Ten tantas boliñas que sse augura un frío inverno!

O DÍA DAS NOSAS LETRAS ESTÁ AO CAER!

 Xa estamos a anunciar a nosa semana cultural. 

Durante esa semana faremos varias actividades, xunto do Departamento de Dinamización lingüística, como o MERCATROCO ANUAL ou a GALIÑA AZUL.

Terémosvos indormados/as.

GARDAS FORESTAIS NA BIBLIOTECA

Á nosa escola chegaron os forestais, que na biblioteca impartiron unha charla para os máis cativos.

Un ratiño despois, no patio, descargaron unha motobomba e ensináronnos como facer en caso de lume.

Mesmo meteron o camión e poidemos subir a el!!!

 

CONCERTO DE MIGUELI

 Tamén celebramos concertos na nosa sala de biblioteca. Neste caso, o músico Migueli para o alumnado de Primaria.

CONTACONTOS NA BIBLIOTECA

 O alumnado de 1º e 2º de Primaria asistiu a unha sesión de contacontos con Benxamín, que os deleitoou co seu bote máxico.

23 de abril: DÍA DO LIBRO

 Hoxe celebramos unha data importantísima para a nosa Biblioteca e todas as do mundo. O Día Internacional do Mundo ten moito que celebrar xa que as nosas nenas e nenos e xóvenes están a medrar cada ano como lectoras e lectores. Parabéns!

Na nosa escola o alumnado de Primaria leu aos máis pequenos e pequenas moitos contos da nosa biblioteca.

CHARLA DE ASANOG NA BIBLIOTECA

ASANOG, Asociación de Apoio a Nenas e Nenos Oncolóxicos de Galicia, veñen de dar unha charla para alumnado de 4º, 5º e 6º de E. Primaria na sala da Biblioteca do noso centro, coordinada polo Equipo de Actividades Extraescolares e Complementarias.

Aquí tedes unhas imaxes da interesante actividade, que pretende difundir unha necesidade de información na vida da nosa comunidade educativa.

 

NAIS E PAIS CONTACONTOS

 Nestas datas, o alumnado de E: Infantil está a recibir a visita de nais e pais (mesmo outros familiares),  para contarlles marabillosos contos. Contos, libros, narracións de tradición oral...

Aquí tedes un pequeno vídeo como mostra de tan marabillosa actividade.

Moitas grazas a todas as familias!!!

Agardámosvos en próximos cursos.

27 de marzo: DÍA MUNDIAL DO TEATRO

 O luns 27 de marzo conmemoramos o Día do teatro. Como cada ano recordamos que este xénero pode ser lido ou interpretado e por eso poñemos na biblioteca unha selección de obras teatrais diversas para iniciarse neste marabilloso mundo.

VISITA Á BIBLIOTECA

 

O pasado venres, 24 de marzo visitou a nosa biblioteca o ilustrador e autor de banda deseñada FON.

Alí impartiu ao alumnado de 2º de Primaria un obradoiro sobre o seu traballo. Ensinounos cousas tan interesantes como que co debuxo de dúas patacas podemos facer moitas caricaturas.

Un pracer, querido Fon!

Aquí tedes un pequeno vídeo da xornada:

CHEGOU A PRIMAVERA

Cambiamos de estación e a primavera chega con sol e boas temperaturas.

No xardín da nosa biblioteca xa veñen os paxaros a comer. Á nosa compañeira Cali non lle esquecen os paxariños e por iso repón con frecuencia o seu comedeiro.

Tamén instalou unha casiña para os paxaros que a queiran ocupar.

21 de marzo: DÍA MUNDIAL DA POESÍA

 

Lembramos que o 21 de marzo é o día da POESÍA, e nas nosas clases dedicarémoslle un espazo para ler, compartir e escribir poemas.

CONCURSO

 O concurso sobre "Mulleres que fan historia" está a piques de rematar. Se non entregastes os vosos cuestionarios, facédeo o máis rápido posible, durante esta semana. Xa sabedes que as e os participantes entraredes nun sorteo de regalos.

17 de marzo: DÍA DO CÓMIC

O venres, día 17 de marzo celebramos o día do cómic. Como o proxecto da escola para este curso xira en torno a este tema, xa somos expertos e expertas no mundo da banda deseñada.

CONFERENCIAS NA BIBLIOTECA

 Estes días podemos asistir a catro  charlas na biblioteca dirixidas a nais, pais e profesorado do centro sobre as adicións, especialmente nos máis xóvenes.

A primeira, sobre adicións a tabaco, alcol e bebidas enerxéticas. A segunda, a dispositivos móviles, redes sociais e videoxogos. Na terceira e cuarta, pautas para poder enfrontalas.

Unhas charlas moi interesantes impartidas por unha profesional da saúde, de prevención de condutas aditivas e organizadas a través da ANPA da nosa escola.

MALETA VIAXEIRA

Xa está na nosa biblioteca a maleta viaxeira coa temática de banda deseñada. 

Trátase dun bo número de exemplares neste xénero para todas as idades. Así que desde fai uns días as nosas nenas e nenos desfrutan de novas lecturas que percorren os colexios da nosa xeografía.

CONCURSO: MULLERES QUE FAN HISTORIA

Como en anos anteriores, iniciamos na data de hoxe, 8 de marzo, o concurso de pistas para descubrir cal é o nome de certas mulleres que están no máis alto grazas á súa valía e esforzo, moitas veces nun mundo tradicionalmente copado polos homes.

Este ano non é unha excepción. As mulleres seleccionadas polo equipo de Biblioteca destacan ou destacaron no campo da ilustración e a banda deseñada, tema do Proxecto documental deste curso para toda a escola. Unha ilustradora consolidada (recentemente  falecida) e recordada por xeneracións anteriores, e outra actual e galega que está no cume do seu campo artístico.

Alumnas e alumnos de 1º de EP consultando a pista coa súa mestra.

As pistas estarán expostas na entrada da Biblioteca para que as poidades ler e investigar de que mulleres se trata. Todos os/as participantes entrarán nun sorteo que se celebrará nos días seguintes a rematar o prazo de entrega das fichas cos nomes das dúas artistas.

8 de marzo: DÍA INTERNACIONAL DA MULLER

Unha data importante para celebrar, que conmemora cada 8 de marzo como unha xornada para reivindicar a igualdade e facer balance sobre a situación das mulleres na sociedade. É unha data recoñecida pola ONU.

Na nosa escola a comunidade educativa levou a caabo unha serie de actividades para tal fin. Aquí tedes algunha:

O alumnado de 4ª de Primaria leu na Biblioteca, ao alumnado de 1º e 2º,  o marabilloso conto "Artur e Clementina", de Adela Turin, que reivindica o papel da muller na sociedade.

No corredor do colexio podedes atopar unha boa cantidade de libros relacionados coa importante data.