Conferencias sobre animais!

O alumnado de 2º curso estivo na biblioteca dando conferencias sobre temas de zooloxía que previamente investigaron. Nos próximos días volverán a facelo. Agardamos con impaciencia!

Matemáticas na biblioteca!

Os nenos e nenas do cole seguen a curiosear nos recursos matemáticos da biblioteca. Cantos xogos levan matemáticas e nós...sen sabelo.

O Compos...!

Tamén na biblioteca reuniron a un gran público varios xogadores e directivos dun dos equipos de fútbol da cidade.

Visitas especiais

Unha vez máis a biblioteca serve de lugar axeitado para que nos visiten persoas marabillosas. Neste caso avós e avoas que nos falan das súas experiencias laborais e aficións: A saúde e a ciencia.

Exposición de libros de medo

Como todos os anos, propoñemos desde a biblioteca,unha pequena mostra de libros de medo para que durmades...mal!

Busca! Busca! Busca!

As nosas bruxas (e outros monstruos) xa atoparon o libro que buscaban!

As bruxas na biblioteca!!!

Coláronse nestas datas na nosa bilbioteca e non fomos quen de espantalas de alí. Víanse moi, moi interesadas nos nosos contos...

Proxecto: MATEMÁTICO!

Continuando co tema deste curso proposto para a celebración do mes das bibliotecas, durante todo este trimestre e, tanto en E. Infantil como en E. Primaria, estamos a traballar para conseguir e presentar recursos na nosa biblioteca. As matemáticas nos envolverán e farán que nos divirtamos...

3º Concurso de relatos curtos de terror

Os equipos da Biblioteca e de Dinamización e Normalización Lingüística do noso colexio anímanvos a participar no 3º concurso de relatos curtos que se convoca en torno ás datas do Samaín e o magosto. Bases do concurso: Primeira. As obras consistirán en contos, historias ou relatos curtos acompañados dunha ilustración (debuxo). Todas as obras presentadas deberán ser orixinais e inéditas. Escritas en lingua galega. Ademáis deberán tratar, como temática obligatoria, sobre terror, medo ou temas que causen asombro. Segunda. Poderanse presentar alumnos e alumnas de forma individual, parella ou trío (nunca máis de tres compoñentes por traballo). Terceira. Os relatos participantes optarán a un premio que consistirá nun diploma. Cuarta. As obras no poderán exceder de tres carillas de folio de extensión incluindo a ilustración. Quinta. A data límite para a recepción das obras será o venres, día 5 de decembro de 2014. Importante aclarar que non entrarán a concurso nin se recollerán traballos despois dese día. Sexta. Os participantes permitirán aos organizadores publicar as súas obras no blogue, revistas e outras publicacións relacionadas co centro escolar. Séptima. Un xurado escollido polo equipo de biblioteca do colexio seleccionará as obras gañadoras. Oitava. Xunto coas obras deberá proporcionarse a seguiente información: Titulo do relato, autor/a/s, curso e grupo. Novena. As obras a concurso entregaranse aos titoras/es, que llelas farán chegar ao equipo de biblioteca. Décima. A participación no concurso supón a aceptación total das bases.

Biblioteca escolar: MATEMÁTICO!

Biblioteca escolar... matemático!!! é o lema elixido este ano para o cartel da campaña de comezos de curso nas bibliotecas escolares galegas. Lembrade que outubro é o mes das Bibliotecas e, especialmente o día 24 do mesmo. Na nosa estamos a preparar unha serie de actividades relacionadas coas matemáticas para que poidades desfrutar delas.

NOVO CONCURSO!

BASES DO CONCURSO: DESDE O VENRES 16 ATA O 27 DE MAIO IRÁN APARECENDO NO TABOLEIRO DA BIBLIOTECA PORTADAS DE 8 OBRAS DE AUTORES/AS GALEGOS/AS QUE, EN ANOS ANTERIORES, FORON HOMENAXEADOS NA DATA DAS LETRAS GALEGAS. CONVIDÁMOSVOS A PARTICIPAR NUN XOGO NO QUE DEBEDES ADIVIÑAR A QUE ESCRITORES/AS PERTENCEN CADA UNHA DAS PORTADAS QUE VAN APARECENDO. CUMPRIMENTAREDES UNHA FICHA QUE PODEDES RECOLLER PREVIAMENTE NA BIBLIOTECA. UNHA VEZ REMATADO O CONCURSO, A FICHA SERÁ ENTREGADA TAMÉN NA BIBLIOTECA. O PRAZO DE ENTREGA FINALIZA O VENRES 30 DE MAIO. TODOS OS PARTICIPANTES COA FICHA BEN CUMPRIMENTADA ENTRARÁN NO SORTEO DE VARIOS AGASALLOS.

17 DE MAIO: LETRAS GALEGAS

O 17 de Maio celebramos na nosa Comunidade o Día das Letras galegas. No noso colexio estamos a realizar , durante toda a semana, unha chea de actividades en torno á figura recordada este ano 2014, XOSÉ MARÍA DÍAZ CASTRO.

Día do Libro

Desde a nosa Biblioteca celebramos onte, 23 de abril, como cada ano, o día grande dos libros e dos autores e autoras. Desde 1995 vimos celebrando esta conmemoración para agradecer a escritores e escritoras o que nos fan desfrutar e o que nos ensinan coas súas palabras. Moitas grazas! Na biblioteca do colexio de Fontiñas levamos a cabo unha serie de actividades durante toda a xornada: Lectura continuada, proxección de recursos elaborados desde a biblioteca, exposición de traballos sobre obras e de libros, entrega de premios do concurso "Mulleres que fan Historia"...

O concurso segue...

Seguimos co concurso sobre "Mulleres que fan historia". Xa levamos cinco. Con pistas ben interesantes. Esto está que arde!

27 de Marzo: Día Mundial do Teatro

Hoxe conmemoramos o Día Mundial do Teatro. No noso colexio os nenos e as nenas, xunto cos profesores e profesoras, fixemos actividades sobre teatro lido nas clases. Na biblioteca do centro escollemos varias obras de teatro interesantes para dita actividade. O teatro é fantástico!

21 DE MARZO: DÍA DA POESÍA

Hoxe 21 de marzo celebramos, coa entrada da primavera, o Día Mundial da Poesía. Na nosa biblioteca atoparedes libros de poesía e desde alí convidámosvos a que escribades os vosos poemas favoritos, tanto da vosa autoría como de poetas e poetisas recoñecidos. Podedes depositalos nunha caixa colocada expresamente para tal fin. Ánimo e participade!

Visitas literarias

A escritora Ana Alonso e o escritor Antonio Manuel Fraga visitaron aos nosos alumnos e alumnas e charlaron e firmaron libros na nosa Biblioteca. Aquí tedes as fotos que ilustran estas magníficas novas.

8 de marzo: Día da Muller Traballadora

O pasado sábado celebrouse o Día da Muller traballadora. Con tal motivo, e desde a biblioteca do noso centro, propoñemos durante as próximas datas un xogo-concurso para adiviñar a que mulleres da historia e da actualidade, destacadas en diversos ámbitos, corresponden certas imaxes colocadas no taboleiro e que irán aparecendo pouco e pouco ata "encher" un impreso facilitado desde a propia biblioteca. O título do concurso é Mulleres que fan historia e trátase dunha labor de investigación e búsqueda de información para todo o alumnado de Educación primaria. As bases permanecen expostas á entrada do centro.

PREMIOS DO CONCURSO DE RELATOS CURTOS

Aquí está o nome dos nenos e nenas que resultaron premiados no concurso de relatos curtos de terror: Sabela e Alexandra, de 1º B por "Os nenos vampiros", Roi Jun, de 1º B por "O Guh", Manuel González Gutiérrez, de 2º A por "O vampiro EroiS", Tristán López Dono, de 2º A por "A noite do medo", Paula Carracedo García, de 2º A por "O home do saco perigoso", Carolina, de 2º B por "Contos de medo", Brais Fraga Cantelar, de 3º A por "Viaxe a un mundo perdido", Ana Brenlla Barreiros, de 3º A por "O Castelo", Mauro Santamariña, de 3º B por "O neno e os monstros", Darío Martínez Germil, Nadine Rña otero e Thiago Dos Santos, de 6º A por "A sangría de Manchester". Noraboa a todos e todas

Concha Blanco na nosa biblioteca

Esta semana charlou cos alumnos e alumnas do 2º ciclo unha das escritoras que nos ían visitar durante este 2º trimestre. Trátase de Concha Blanco, autora de libros para nenos e nenas tan bonitos como "A bruxiña da sorte".